بسم الله الرحمن الرحيم
طلعت النجمة وبان الحال ونوض يالي تذكر ربي
واتصنت ما يقول الفال الطالب حذر نوض صلي
راه الملك يحل في البيبان يقسم ما عطاه ربي
ارحمني ياخالقي وارحم الجيران وارحم من راه يسمعني
كل من صلى واطلب الغفران يكون في الجنة متهني
صلى الله على النبي خاتم لرسال محمد شفيعنا هو النبي
هذا شيخنا سلطان بعيد في الصحرا راه باني
بنته عيشة في العطف تبان قبتها بيضة وتبان تلالي
تجيها لركاب من العرب زيار وتزور بنت القطب الرباني
ديك الصومعة من بعد تبان فوق جوامع الرباني
شحال قداش ملبسة بحرير وكتان والوان والملف الغالي
مولاي الطيب مولى وزان سيدي بومدين نظيف ياك تلمساني
مولاي عبد القادر فوق البرقة بان عاش ديما مقامو عالي
انتما بجاه ربي عندي زمار في المرو اللي مر صغير وجاني
ذكروا عاش بر الفتيان ضامن فيه الرب الفوقاني
الحاج امحمد يا بن بوزيان وين ما نكفى عليك ظاهر تنعرني
تنزعه من برى ويجي عجلان ننظر ونشوفه بعياني
صلى الله على خاتم لرسال محمد شفيعنا هو النبي
القصيدة من تاليف الشيخ سيدي عبد القادر سارية مقدم الطريقة الزيانية بقبيلة العصايدة الكاف الاحمر ولاية البيض الجزائر