عسى ما زعلتك البارح وزودت الجراح جراح

[طيوف]

ذا النبطي عجبني وقلت فرصه اهديها ليكم
وكنت وقتها طفشانه حيل ووقعت صدفه علي ذي القصيده وقلت ابي اهديها لقلبي عسى الطفش يروح
وابيكم تتخيلونها انها منكم لزوجاتكم او لازواجكم او للمخطوبين - وش تتوقعون رده فعلهم ! -
بخليكم مع الكلمات

عسى مازعلتك البارح وزودت الجراح جراح..
عسى مامرت الدمعه على اهدابك من أسبابي..


جرحتك من كثر شوقي وخليت الكلام رمـــاح..
ولا أدري شلون ياعمري طعنتك حيل بعتابــي..


بدون شعور صدقني ترى كثر الغلا ذبــــــاح..
تعال وشوف بغيابك غلاك شلون سوابــــــي..


حرام تغيب من عمري وتعطيني الفراق وشاح..
حرام الدمع في عيني مناديله هي أهدابــــــي..


غيابك يشغل عيون الزوايا وأمتلى أشبـــــاح..
وأنا انثر صوتك بقلب المكان وأشعل أبوابـــي..


تلفت للأمل دام الرجاء في عمـــــري الملواح..
أناديلك ولو شرهة وصولك تقطع أعصابــــي..


أبيك الجاي من عمري أنا ماأبيك شيء وراح..
مدامك أجمل وأخر مدامك أول أحبابــــــي..


أبي أرتاح ياعمري وأنا أدري هم تبي ترتــاح..
تعال وقبل ماأفرح ترى تفرح بك ثيابـــــي..



أحبك يابعد عمر الحزن والجرح والأفـــــراح..
أحبك كثر مانامت عيونــك داخل أهدابــــي..

 

 

[يوسفي]

الله الله
الله يبعد عنك الطفش

وسعي صدرك ترى مافيه شئ يستاهل

مشكوره على الابيات الحلوه
سوف اهديها لأب بندر وشوف ويش يقول

 

 

كم ارتحت لما قرأت.
اسعدك الله بما انت أهله

 

 

[رائـد الدباغ]

قصيدة رائعة استمتعت كثيرا بها

بارك الله فيك

 

 

[ساره]

الله يعطيك العافية على القصيدة الجميلة

 

 

[عزيز]

الله الله على طيوف الشاعرة....ووالقصيدة الرائعة

شكرا اختي الشاعرة

 

 

[محمد العلامة]

بسم الله الرحمن الرحيم

الحمد لله والصلاة والسلام على رسول الله وعلى آله وصحبه أجمعين.

دامت الأصابع الماسكة واليد الكاتبة

 

 

[عزيز]

وفّر على نفسك عذاب هم الملامه والشروح***** ولو كان هجري يجرحك آسف كثر ذل الهيام
إرحل وحل المشكله والمشكله مابي أبوح******* أخشى إذا هاج الشعور ماتحتمل مني الملام
مالي سوى هجرك أمل مابي سوى بعدك طموح** وشلون يجمعنا الهوى دام المشاعر في خصام

مايجتمع كذب الشعور مع رقة أزهار الوضوح*** والنور يطرد لاظهر من هالمدى كل الظلام
دع مامضى يمضي ولاتطري لي ف الجد المزوح*** الجد وقت(ن) للجراح وللرماح وللحسام
قل ماتريد وإرحل وخل كل المشاعر بك تنوح**** مهما تقول كل الحلول طارت مثل سرب الحمام

 

 

[عزيز]

[
كن الحلا في وجنتك ، متجمّع ب أربع فصول*** شفتك وأربكني حلاك وشلون أبرر موقفي
حتى الحكي من رقتك أصبح مثل طبعك خجول*** ياما ترجّيت الكلام وياما عصتني أحرفي
وين الغزل ، والأغنيات وين الحكي وين الحلول** من قبل لا تترك شفاي ، صارت حروفي تختفي

 

 

[عزيز]

المشاركة الأصلية كتبت بواسطة طيوف

عسى مازعلتك البارح وزودت الجراح جراح..
عسى مامرت الدمعه على اهدابك من أسبابي..


..

البارحة ربـي كتـب لـي ومريـت ***دربٍ عليه بروق الأحبـاب لآحـت

**************************************************

جيت المكان اللـي جمعنـا وخفيـت****** وقامت جروحي للجوارح وصاحـت
ياليتنـي فـي لفـة الـدرب زليـت ******* كان العيون مـن الدمـوع استباحـت
التم غيـم الدمـع مـن يـوم لفيـت ******* وورقا القصيد لشوفة الغيـم ناحـت
وضحكت ماأبغي الناس تدري يبالفيت*** لكنها غصبٍ علـى العيـن ساحـت
حارت دموعي في عيوني وصديـت***** وأرمشت مابيها تبيـن .. وطاحـت
وعقبه برق في العين براق .. واسقيت**** خـدي ووناتـي بصـدري تلاحـت
وأنا أحسب إني في فراقـه تشافيـت****** وان عبرتي من مدخل الزاد زاحـت
اللي يحسب إني على البعـد سجيـت *****والا ان عيونـي للرقـاد استباحـت
ياليتني مـن قبـل لا أحبـه اقفيـت******** والا ان دروبي عن دروبـه تناحـت
أهون علـي مـن البكـا والتناهيـت******* وأشلا من سدودٍ على النـاس باحـت
عرفت كيف الحي يفرق عن الميـت**** وعرفت قيمة نعمتـي يـوم راحـت
قولوله انـي عقـب بعـده تدانيـت ******* ورجلي عن دروب المعافين شاحـت
البعد نار وطاعـة العـذل كبريـت ******يقصر على بعده .. ترى الكبد فاحت